شەفەق نیوز - وەدویاچگن
وەزارەت بازرگانی چین، ئمڕوو یەکشەممە، راگەیان وڵاتەگەی وە تونی دژایەتی دەنگداین لیژنەی پەیوەنیەییەیل فیدراڵی ئەمریکی کەێد لەبان قەیەغەکردن رەسین راستەوخوەی کۆمپانیایل پەیوەنی چینی ئەرا شمارەیل تەلەفۆن ئەمریکی.
بڕیار لیژنەی پەیوەنیەییەیل فیدراڵی کە رووژ پەنجشەممە دەرچگە، و پشت وە نیگەرانییەیل پەیوەنیدار وە ئاسایش نیشتمانی بەساس، رێ لە کۆمپانیایل چاینا مۆبایل و چاینا تیلیکۆم و چاینا یونیکۆم و دابینکەرەیل خزمەتگوزاری ترەک گرێد کە وە پڕۆتۆکۆڵ ئینتەرنێت کار کەن لە رەسین راستەوخۆ.
وەزارەتەگە لە بەیاننامەیگ وت: لایەنە رێکخەرەیل فشار هاوردنە ئەرا جیاکردن ویلایەتە یەکگرتگەیل و چین لە کەرتەیل پەیوەنیەییەیل و پەیوەنیە ئەلیکترۆنییەیل و تاقیکردنەوە و باوەڕپێکردن، و وتیش؛ ئی رێکارەیلە وەگەرد ئەو لەیەکفامستنە یەک نیەگرنەوە کە سەرکردەیل هەردوگ وڵات رەسینە پێ.
چین هان ویلایەتە یەکگرتگەیل دا قەیەغەکردنەگە هەڵوەشنێدەو، و هووشداری دا رێکارەیل هەوەجەکریاگ وەرانوەری گرێدە وەر.