شەفەق نیوز- ترسیان و وڕینەی کورونا، چشتەیلێ تر لە ویر وڵات بردگە.
سنان سووە و ئەو دووەی بیمارییەیلێ ک پفی خراوە دکەن، هەرەس تەنگی سینگ، زات رییە و بیمارییەیلێ لەێ‌وا، وە خاتر دەروەسی هەوا دیانە دی، ک ئی رووژەیلە وە خاتر کورونا، لە ویرەو چگنە.
رێزە‌‌مەوادێ ک هەوا دەروەسەو دکەن، دچنە نام خوێن و دە مل دڵ و عوروق، ئاڵنگ فرە گەنێ دنن و (فشار خوێن) یەکێ لە بیمارییەیلێگە ک وەی خاتڕە دیاێگە دی.
ئی بیمارییەیلە، دوفێشتر فشار خوێن، لە بیمارییەیلێگن ک هەر کەسێ تووشێیان بیاێ، هاتێ فرەتر و زووتر تووش کورونا بیاێگ، چوون سووەیلێ ک ئالوودەن و پفی ئالوودە و بیمارییەیلێ ک هناسەکوترێ دیارن و هەرەس‌تەنگی، بیماری زەمینەیی کوڤید نوزدەن.
شاردارییەیل وەرد دەوڵەت، خاسە رێکارەیلێ سەخت ئەڕا نوواگیری لە دەروەس‌کاری هەوا بگرنە وەر ک وە سنگ کورونا، یە لە ویر گشت، بردنە.