شەفەق نیوز/ ئەمریکا زنجیرەیگ لە گورزەیل ئاسمانی وەبان شوینەیل کۆمەڵەی (ئەنسارولڵا) خوسب لە سەنعای پایتەخت یەمەن جیوەجی کرد.

واشنتۆن ئویشێد: ئی پەلامارەیل سەربازیە لە وەڵامدان لەبان پەلامارە وەردەوامەیل حووسیەیل تیەێد لە دەریای سوور، کە هەڕەشەی جویلەی کەشتیوانی ناودەوڵەتی دەێد لە ناوچەگە.

لەلاییگ ترەک، ئیسرائیل گورزەیل ئاسمانی وەبان شوینەیلیگ لە دەورگرد دیمەشق پایتەخت سوریا جیوەجی کرد، وەبی دیاریکردن هویردەکاریەیل.

دەزگای پەخش ئیسرائیلی وت: سوپای ئیسرائیل پەلامار شوینەیلیگ سەربازی دەێد لە باشوور خوەرئاوای دیمەشق، وەبی دیاریکردن هویردەکاریەیلیگ زیاتر.

وەرجەیە، ئیوارەی دووشەممە، وەزارەت وەرگری ئەمریکا هەڕەشە دا کە هازیگ ویرانکەر وەکار تیەرێد ئەرا وەجیهاوردن ئامانجەیلی لە یەمەن، دووپاتیش کرد کە ئۆپراسیۆنەیل سەربازیی دەیان کەس لە سەرکردەیل حووسی کوشتن.

 بزووتنەوەی (ئەنسارولڵا) لە یەمەن، شەو یەکشەممە، و ئامادەکردن فڕۆکەهەڵگر ئەمریکی "يو ئەس ئەس هارب ترومان" و پارچە جەنگەیلی لە باکوور دەریای سوور راگەیان، ئەوەیش وە 18 مووشەک پالیستی و فڕۆکەی بێفڕۆکەوان.

یەیش دویای جیوەجیکردن پەلامارەیل سەربازی فراوانیگ لەلایەن ئەمریکاو تیەێد وەبان دەیان ئامانج لە یەمەن، لەو ناوچەیلە کە هاتە دەس حووسیەیل، لە وەختیگ دۆناڵد ترەمپ سەرۆک ئەمریکا دووپات کرد کە سەردەم ئی گرووپەیلە رەسیە کۆتایی، وتیش: ئەمریکا وەگەرد ئیران نەرمەو نیەوود، کە توومەتی وە پشتگیریکردن حووسیەیل کرد.