شەفەق نیوز/ سەرچەوە ئەمنی و پزیشکییەیل، شەو دووشەممە، خەوەردان کە زیاتر لە 60 کەس کوشیانە و زیاتر لە 100 کەسیش زەخمدار بوین، لە ئەنجام گورزەیل ئیسرائیل وەبان بیقاع لە خوەرهەڵات لوبنان.

زنجیرە گورزەیل شەو دووشەممە تا چەن  ساعەتیگ وەردەوام بوی و دەیان ناوچە بیقاع کردنە ئامانج و زووریان وەبان باکوور بیقاع بوی.

بەشیر خدر، پارێزگار بەعلبەک هرمل زنجیرە گورزەیل دووشەممە وە تونوتیژترین گورزەیل باسیان کرد.

 وەگورەی سکای نیوز لە زوان خدر  بیقاع زیاتر لە سی گورز وەبانی وەشیاس.

وتیش؛ کورزیگ ئیسرائیلی لە وەردەم ماڵ نەبیە بیری، سەرۆک پەرلەمانی لوبنان لە ناوچەی تەبنینە لە باشوور لوبنان کەفتیە.

  وەزارەت تەندروسی لوبنان راگەیان کە شمارەی کوشیاگەیل لە ئەنجام پەلامارە ئاسمانییەیل ئیسرائیل وەبان لوبنان لە 8 تشرینی یەکەمی 2023ەو رەسیە دوو هەزار و 710 کەس، وەگەرد 12 هەزار و 592 زەخمدار.