شەفەق نیوز/ میدیایل راگەیانن، ئمڕوو دووشەممە، خەوەردان کە گورزیگ ئیسرائیلی مەرز جدیدەت یابوس سوری، و ناوچەیلیگ جیاجیا لە لوبنان کردنە ئامانج، و کوشیان و زەخمداری لەلییان کەفتەو.
راپۆرتەیل وتن؛ هبزەیل ئیسرائیل وەردەوامە لە پەلاماردان ناوچەیلیگ جیاجیا لە لوبنان، کە شەفەق ئمڕوو، گورزەیل سەختیگ وەبان ناوچەی هرمل لە بیقاع خوەرهەڵات و ناوچەی غازیە لە قەزای سەیدا باشوور لوبنان وەشانن، و ناوچەیل عەبا ئەرزون و شحور لە باشوور لوبنان.
ئەو کورزەیلە وەبان هێنا خوەرهەڵات لوبنان بویە هوکار کوشیان ١٠ کەس و زەخمداری ٢٠ کەس ترەک.
گورزیگ ئیسرائیل بنکەی وەرگری شارستانی دەزگای تەندروسی ئیسلامی لە ناوچەی سحمر لە بیقاع خوەرئاوا کردە ئامانج، بویە هوکار کوشیان و زەخمداری.
ئازانس خەوەری لوبنان باس کەفتن زەخمداری لە ئەنجام گورزیگ ئیسرائیل وەبان کەمپ بوس نزیک سوور لە باشوور لوبنان کرد.
دویەکە یەکشەممە، درۆنیگ ئیسرائیلی ڤیلای فیرقەی چوارەم نزیک ناوچەی یەعفور لە ئاوای دیمەشق کردە ئامانج.
وەگورەی روانگەی ماف مرۆڤ سوریا، ئەو ڤیلا سەرکردەیلیگ لە حزبولڵا و سوپای پاسداران ئیران سەردانی کردیان.
وتیش: پەیام هووشداری ئەرا ماهیر ئەسەد رەسان ئەگەر چەک لە فیرقەی چوارەم ئەرا لوبنان کل بکەێد خوەی کەفێدە ناو بانک ئامانجەیل ئیسرائیل.
سەرچەوەیلیگ پزشکی خەوەردان لە کوشیان ١٠٩ کەس و زەخمداری ٣٦٤ کەس لەماوەی ٢٤ ساعەت گوزەشتە لە ئەنجام گورزەیل ئیسرائیل وەبان ناوچەیلیگ جیاجیا لە لوبنان.