شەفەق نيوز/ چەک ئاسمانی ئیسرائیل، نیمەڕو ئمڕوو شەممە، پەلامارەیلیگ جیوەجی کرد وەبان سەربازگەیلیگ لە ناوچەیلیگ جیاجیا لەناو ئیران، لەناویان جەبەخانەیلیگ لە خوەرهەڵات تەهران پایتەخت، وەگورەی خەوەر کەناڵ 12ی ئیسرائیلی.

هەرلیوا، ئاژانس رۆیتەرز لە زوان سوپای ئیسرائیل وت: ئیرنگە پەلامارەیلیگ وەبان ژیرخانەیل سەربازی لە باشوور خوەرئاوای ئیران جیوەجی کریەێد، وەبی باسکردنیگ زیاتر.

لەلای خوەییش، میدیایەیل ئیرانی باس ژنەفتن دەنگ رممەی تەقینەوەیل لە شار ئەهواز لە پارێزگای خووزستان کردن، وەگەرد نواگیریکردن وەرگری ئاسمانی ئیران ئەرا ئامانج یا دەژمناە شارەیل ماهشەهر و ئەهواز لە خود ئەو پارێزگا.