شەفەق نیوز/ ئاژانس خەوەری سوریا "سانا"، شەفەق ئمڕوو شەممە، نواگیری پەلاماریگ ئاسمانی ئیسرائیل لەبان شوینەیلیگ لە ئاوای دیمەشق راگەیان.
ئاژانسەگە لە زوان سەرچەوەیگ سەربازیی وت: نزیک ساعەت ١٠:٠٥ شەفەق ئمڕوو، دوژمن ئیسرائیلی پەلاماریگ ئاسمانی لە جۆلان داگیرکریاگ جیوەجی کرد، کە چەن خاڵیگ لە ئاوای دیمەشق کردە ئامانج.
سەرچەوەگە وتیش: وەرگری ئاسمانیمان نواگیری دوژمن کرد و بەشیگیان خستە خوار.
سەرچەوەگە دیاری کرد کە ئەو پەلامارە بویە هوکار کەفتن زەرەد دارایی.
لەبان سۆشیال میدیا پارچە ڤیدیۆیلیگ و وینە بڵاو کریا کە وتن هن پەلامارەگەی ئیسرائیلە.
لەلای خوەییش، روانگەی سوری ئەرا ماف مرۆڤ خەوەردا لە رممەی قایمیگ لە ئەنجام گورزەیل ئیسرائیل لە ناوچەیل دیماس و پڕۆژەی دەمر، کە بینایگ نیشتەجیبوین خوەرئاوای پایتەخت سوریا کردە ئامانج، وەگەرد زانیاری لە کوشتن کەسایەتیەیلیگ سوری نیین.
دویەکە جمعە، میدیایل راگەیانن فەرمی سوریا، نواگیری مووشەکەیل لە دەورگرد دیمەشق راگەیان.