شەفەق نيوز/ میدیایەیل ئیران، ئمڕوو جمعە، ئامار قوربانیەیل گورز ئیسرائیل تا ئیسە لەبان تەهران راگەیانن.
ئاژانس فارس ئیرانی وت: گورز ئیسرائیل 78 کوشیاگ و329 زەخمدار لە چەن ناوچەیگ لە تەهران خست.
ئیسرائیل سێ شەپوول لە گورزەیل ئاسمانی وەبان قویلایی ئیران جیوەجی کرد، لە چوارچیوەی ئۆپراسیۆنیگ بیوینە وەبان دامەزراوەیل ئەتۆمی و سەربازی ناسک، وەگەرد راگەیانن کوشیان شمارەیگ لە گەورە سەرکردە سەربازییەیل و زانایەیل ئەتۆمی ئیرانی، لە گەورەترین گورز وەبان ژیرخانەیل سەرکردایەتی رژیم لە ماوەی چەن ساڵیگ.
وەگورەی میدیایل ئیرانی، ئەو گورزەیلە کە رەسینە تەهران پایتەخت و شارەیلیگ ترەک، بوینە مدوو کوشیان سەرکردەیلیگ جویر لیوا حسێن سەلامی فەرماندەی گشتی سوپای پاسداران ئیران، لە گورزیگ ئیسرائیلی وەبان بارەگای گشتی سوپای پاسداران لە تەهران.
وەرژە کەمیگ، ئاژانس "مهر" ئیرانی، خەوەردا لە ژنەفتن دەنگ رممەی سەختیگ لە دەورگرد سەربازگەی ئاسمانی "نوجه" نزیک شار هەمەدان.
ئاژانسەگە وتیش: فڕۆکەیل جەنگی ئیران وە خاسی لە شار مەشهەد باکوور خوەرهەڵات وڵات باڵگردن، لە گامیگ نشان ئەوپەڕ ئامادە باشی لەناو چەک ئاسمانی ئیران دەێد.