شەفەق نیوز/ وەزارەت تەندروسی لوبنان، ئمڕوو دووشەممە، کوشیان ١٠ لە پیاوەیل ئاگرکپەوکردن راگەیان، لە ئەنجام گورزیگ ئیسرائیل لەبان بینای یەکێتی شارەوانیەیل بنت جبێل.
ناوەند فریاکەفتن تەندروسی گشتی لە وەزارەت تەندروسی لوبنان لە بەیاننامەیگ وت: گورز ئیسرائیل وەبان ناوچەی برعشیت بوبە مدوو کوشیان ئەوانە.
وتیش: دوژمن ئیسرائیلی تاوان جەنگییگ ترەک خەێدە ناو لیست تاوانەیلی وەبان پیاوەیل ئاگرکپەوکردن و فریاکەفتن لە باشوور لوبنان، کە تونەڕەوی و نامرۆیی بیوینە نشان دەێد، لە پەلاماردان کەسەیلیگ ئەرکەیل مرۆیی ز رزگارکردن جیوەجی مەتر دویر لە کارەیل جەنگ.
وتیش: گورز دوژمنایەتی وەحشیانە بینای یەکێتی شارەوانیەیل بنت جبێل لە ناوچەی برعشیت، کوشتاریگ وەسەر پیاوەیل ئاگرکپەوکردن هاورد، کە لەناو بیناگە بوینە تا دەسوە ئەرکەیل ڕزگارکردن بکەن.
لە کۆتایی وتیش: گورزەگە لە ئاماریگ سەرەتایی بەرە هوکار کوشیان ١٠ لە پیاوەیل ئاگرکپەوکردن، و هیمان هەڵگردن رمیاگەیل لەناو ئەو بینا وەردەوامە کە کەفتە وەر ویرانی گەورەیگ.