شەفەق نیوز/ ئوردن گلەوداین دوو هاوڵاتی راگەیان کە دویای تەقەکردن لەلای پیەڵ مەلک حسێن، کە بویە هوکار کوشیان ٣ ئیسرائیلی، لە هەشت ئەیلوول و ئیسرائیل  لەو وەختەو گیریان دا.

وەزارەت دەیشت ئوردن دووپات کرد کە موسڵح عۆدات و حسێن نعێمات گلەو خواردن ئەرا وڵات.

سوفیان قوزات قسەکەر وەزارەت دەیشت ئوردن وت: وەزارەتەگە لە وەخت رویداوەگەو کەفتیەسە شوین کاروبار هاوڵاتیەیل، و هەماهەنگی وەرد لایەنەیل پەیوەندیدار کرد ئەرا گلەوخواردنیان وەزویترین وەخت.

وتیش: هەردوگیان هاتنە ناو خاک ئوردن، و تەندروسیان خاسە، و ئەرا ماڵەیل خوەیان چگن.

 رووژ یەکشەممە، دادگای ئیسرائیل مەرەقەزکردن عۆدات و نعێمات راگەیان، کە دویای پەلامارەگەی لای پیەڵەگە دەسگیر کریان.