شەفەق نیوز - عەممان
وەڕێوەبەرایەتی ئاسایش گشتی ئوردن، رووژ دووشەممە، راگەیان لە بلۆککردن ئەپڵیکەیشن "تێلێگرام" لە شانشینەگە، وە گلەوداین بڕیارەگە ئەرا هازدارکردن ئاسایش دیجیتاڵی و پاراستن وەکارهاورەیل و کەمەوکردن رخباریەیل و کردەوە پێشێلکارەیل ئەرا یاسا کە پەیوەندیدارن وە وەکارهاوردن پلاتفۆرمە دیجیتاڵییەیل. وەڕێوەبەرایەتییەگە لە بەیاننامەیگ کە میدیایەیل راگەیانن ئوردنی بڵاوی کردن وت کە رەفتارکردن وەرد ئی پلاتفۆرمەیلە لە چوارچێوەی رکداری لەبان پاراستن کۆمەڵگە و رۊوەرۊبۊن ئەو وەکارهاوردنەیلە تیەێد کە شایەد دەسمیەتی دەن لە ئەنجامداین تاوانە ئەلکترۆنییەیل یا هەڕەشە و پپۊلسەنین، لە شان بڵاوکردن ناوەڕۆکە پێشێلکارەیل ئەرا یاسا، و تەقەلایەیل بانگەشەکردن ئەرا تونڕەوی و تونگیری وە شیوەیگ کە کاریگەری لەبان ئاسایش نیشتمانی دیرێد.
دیاری کرد کە ئی ریکارەیلە وە شیوەیگ تیەێد کە گونجیاگە وەرد یاسادانانە کارپێکریاگەیل، وە داواکردن لە هاووڵاتییەیل ئەرا وریابۊن و ئاگاداری لە وەخت وەکارهاوردن ئەپڵیکەیشنەیل پەیوەندیکردن کۆمەڵایەتی، و کارلیکنەکردن وەرد ئەو هەژمار و بەسەر و لایەنەیلە کە سەرچەوەیان نادیارە، و ئاگادارکردن لە هەر کردەوە یا ناوەڕۆکیگ پێشێلکار لەڕی کەناڵە فەرمییەیلەو. وەڕێوەبەرایەتییەگە دووپات کردە بان گرنگی رۆڵ خیزان لە چەودیاریکردن وەکارهاوردن مناڵەیل ئەرا توڕەیل پەیوەندیکردن کۆمەڵایەتی و ئەپڵیکەیشنە دیجیتاڵییەیل، و بەرزەوکردن هووشیارییان وەو رخباریەیلە کە پەیوەندیدارن وەپیان، و کلکردنیان وەرەو وەکارهاوردن ئارام و وەرپرسانە ئەرا تەکنۆلۆجیا، و سوودوەرگر.ن لە ئامرازەیل چەودیاری باوانی کە وەردەسن.
دووپاتیش کردە بان وەردەوامبۊنی لە جیوەجیکردن ریکارە هەوەجەدارەیل ئەرا رەفتارکردن وەرد تاوان و پێشێلکارییەیل کە لەڕی فەزای دیجیتاڵیەو ئەنجام دریەن، وە شیوەیگ کە ئاسایش کۆمەڵگە و بیوەیی تاکەیلی بپارێزێد.