شەفەق نیوز- میخائیل گورباچف، دوماسەرۆک شەورەوی (سۆفیەتی) دە دەمتەقەیێگ وەرد هەواڵنێری فاکس‌نیوز وتگە: خاسە ک بایدن و پووتین هە وەێ زووەێلە یەکا بگرن و بڕیارنامەێ بدەنە دەر تا نیشان بدەێ ک هەر دو کشورەرەگە چەنێ دخوازن ک نوای شەڕێگ ئەتومی بگیردرێ.
ئەوی ک ئەو ژانوییەیش پێشنێیار دابی ک ئی دو کشوەر بایەد سابت بکەن ک نەدهیلن دنیا وەر ئەو شەڕ هەستەئی بچوو، ئیجارەیش پامل قسەگەێ خوەێ ئەڕا دانیشتنەوەێ هەردولاگە بییە و دوارە وتگە دانیشتن هە خاسە و چۆچشتێ واجووە چوون ئی دو وڵات تەجروبەێلێگ لەێ‌وا فرە دیرن و نواگیری لە کەفتن جەنگ کار گەپێگە ک هە وە هام‌و‌شوو دە نام‌بەین ئەوان دوروسەو دبێ.
ئەوی رای ئی دو سەرۆکە ناگە ک جوور دوناڵد ریگان ک تا بن مل موحافز و بادیگارد ئەڕا خوەێ نابی و دوماجار ئەوڕەسی ک دەمەتەقە و دووسایەتی لە هەڕەشە و شەڕ کاریگەرترە، لە قسە کردن دە بان جیاوازییەێلەیان نەترسن.