شەفەق نيوز/ کەسیگ زەنگ دەرەگە کوتێد، وەلێ نێخوازێد خاوەن ماڵەگە بۊنێد، باوجی خوازێد بزانێد ئایا مەڵەگە چووڵە یا نە، وەو جۊرە وە بازیگەر وەرین فڕانک لامبارد کردن.
و ئەوە تەنیا گامیگ بۊی لە پلان دزیکردن چەن ماڵ دەوڵەمەنیگ لە لەندەن، تا پلانیان سەرکەفت و بۊیە گەورەترین دزیکردن ماڵەیلە لە میژوو بەریتانیای نوو.
یەکەم گام چەتەی دزەگە ئەوە بۆی ک ماڵەیلە خەێدە ژیر چەو تا ماڵیگ پەسەن کەن وەگورەی مەزەنەی دزەیلە ک گەنج گران و پۊل فرە لەناوی بوود.
هەرچەن یە دوو ساڵە لەبان ئەو تاوان رێککریاگە رەد بۊیە، باوجی دەسەڵاتەیل بەریتانی هیمان نەڕەسیەسە ئەو دزەیلە ک تا ێیسە لە یەکیی لە ماڵەیلە نزیکەی ٣٥ مەلیۆن دۆلار دزینە.