شەفەق نیوز/ ڤلادیمێر پوتین سەرۆک روسیا، ئمڕوو شەممە، مکیس سەرکردە عەرەبییەیل و ئەمیندار گشتی کۆمەڵەی عەرەبی کرد ئەرا بەشداریکردن لە یەکەم کووبونەوەی لوتکەی رووسیا و عەرەبی کە بریارە 15ی ئۆکتۆبەر وەڕێوەبچوود.

پوتین لە بروسکیگ کە لە ماڵپەڕ کرێملین بڵاویکردیە، راگ، "سەرۆک وڵات و حکومەتە بەڕێزەیل! وە بوونەی وازکردن ٣٤ەمین لوتکەی کۆمەڵەی دەوڵەتەیل عەرەبی وە گەرمی سڵام لەلیدان.... ئیمە بڕیاردایمە  وەردەوام بوین لە ئەوزەڵداین دیالۆگ بنیاتنەر وەرد کۆمەڵەی دەوڵەتەیل عەرەبی و پەیوەنی دووسیانە وەرد  گشت ئەندامەیلی".

 لە دروێژەی قسەیلی وت: لەی بارەو توام  بانگهێشت گشت سەرکردەیل وڵاتەیل  ئەندام کۆمەڵەگەدان بکەم، هەمیش سکرتێر گشتی کۆمەڵەگە، ئەرا بەشداریکردن لە یەکەمین لوتکەی روسیا و عەرەبی، کە پلانمانە  لە ١٥ تشرینی یەکەم ئەنجامی بدەین.

وەپای میدیاگان روسیا، مۆسکۆ لەڕی ئێ لوتکە تەقەلا دەێد هاوبەشی خوەی وەگەرد وڵاتەیل عەرەبی بەهیزتر بکەێد  و ئاسۆی هاوکاری سیاسی و ئابووری لە ژیر رووشنایی خێراترکردن ئاڵشتکاریەیل ناوچەیی و ناودەوڵەتییەیل بکەێد.

 لوتکەگە کە یەکەمین لوتکەیە لە جویر خوەی ، لە چوارچمگ تەقەلایەیل روسیا تێد ئەرا   قویلەوکردن پەیوەنیەیل وەرد   جەهان عەرەبی لەبان هەردوج ئاست دوولایەنە و وەکۆمەڵ، یەیش لە وەختیگ  کە ئامادەیی روسیا لە کاروبار خوەرهەڵات ناوەڕاس ئەوزەڵکەێد.