شه‌فه‌ق نيوز/ وه‌زاره‌ت گه‌نجينه‌ى ئه‌مريكى سزا له‌سه‌ر تاكه‌يليگ له‌ حزبوڵلا چه‌سپان ك سه‌رپه‌رشى كرده‌وه‌يليگ سه‌ربازێ ئه‌كه‌ن له‌ عراق.

له‌ى باوه‌ته‌و، نويسينگه‌ى چه‌وديرێ ره‌گه‌زه‌يل بيگانه‌ سه‌ر وه‌ وه‌زاره‌ت گه‌نجينه‌ى ئه‌مريكى (OFAC) رێ وشوون گرته‌ وه‌ر ئه‌را وه‌ئامانجگرتن چوار كه‌س ك په‌يوه‌ندێ ديرن وه‌ حزبوڵلا و سه‌رپه‌رشى چالاكيه‌يل كرده‌وه‌يى سه‌ربازێ و دارايى و هه‌واڵگيرى ئه‌كه‌ن له‌ عراق و پيكهاتنه‌ له‌: شبل محسن عوبێد زه‌يدى، يوسف هاشم، عه‌دنان حسێن كه‌وسه‌رانى، محه‌مه‌د عه‌بدولهادى فه‌ره‌حات.

سيگال ماندلكر، بريكار وه‌زاره‌ته‌گه‌ ئه‌را كاروبار تيرۆر و هه‌واڵگيرى ته‌مويل وت: حزبوڵڵا وه‌كيليگ تيرۆريستى رژيم ئيرانيه‌ ك هه‌وڵ له‌كه‌داركردن سه‌روه‌رى عراقى و شيوانن سه‌قامگيرى ئه‌ياد له‌ خوه‌رهه‌ڵات ناوين.