شه‌فه‌ق نيوز/ ئاد رويس سه‌رۆك ليژنه‌ێ كاروبار خارجى له ئه‌نجومه‌ن نوێنه‌ره‌يل ئه‌مريكى باس له‌وه كرد ك شايه‌ت وڵاته‌يل يه‌كگرتگ بنگه سه‌ربازيه‌گه‌ێ له قه‌ته‌ر جيواز بكا ئه‌را وڵاتيگ تر له حاڵه‌تيگ ئه‌گه‌ر دۆحه ره‌فتار پشتگيريكردنى له جه‌ماعه‌ته‌يل تونڕه‌و ئاڵشت نه‌كا.
رويس له كۆنگره‌يگ له واشنتۆن وت: باوه‌ڕم ئه‌وه‌سه له حاڵه‌تيگ ئه‌گه‌ر دۆحه ره‌فتارى ئالشت نه‌كا، ئه‌وه له‌ێ حاڵه‌ته ئيمه ئيراده‌ێ تر ديرێم ئه‌را هه‌ڵبژارده‌يل تر له باره‌ى بنگه‌يل سه‌ربازێ.
جى باسه، قه‌ته‌ر پيشوازى له يه‌كيگ له گه‌وراترين بنگه‌يل سه‌ربازى ئه‌مريكى له جه‌هان كردگه له ناوچێ ئه‌لعه‌ديد.