شەفەق نیوز - وەدۊاچگن

فەرماندەیی ناوەندی ئەمریکی (سەنتکۆم)، رووژ شەممە، راگەیان کە بەرنامەی "پاداشتەیل ئەرا دادپەروەری" سەروە وەزارەت دەیشت ئەمریکی پاداشتیگ پیشکەش کەێد کە رەسێدە 20 ملیۆن دۆلار، وەرانوەر زانیارییەیل پەیوەندیدار وە بەرنامەی ئەتۆمی ئیرانی، وەرد توانای دابینکردن گواستنەوەیگ ئارام ئەرا پیشکەشکارەیل زانیارییەگە.

 راگەیاننەگە دیاری کرد کە زانیارییەیل خوازیاگ دامەزراوە و کەرەستەیل پەیوەندیدار وە بەرنامەی ئەتۆمی ئیرانی، و ئەو کەسەیلە کە لەناوی کار کەن لەخوەی گرێد، کە زانا و کادرە پسپۆڕەیل لەناوی هەن، بیجگە لە هەر زانیارییگ لەباوەت جۊلەی ئی دامەزراوە و کەرەستە و کەسەیلە.

ئی راگەیاننە تیەێدە ناو چوارچیوەی تەقەلایل وڵاتەیل یەکگرتگ ئەرا وەدەسهاوردن زانیاری لەباوەت بەرنامەی ئەتۆمی ئیرانی، لەڕی هاندان ئەو کەسەیلە کە زانیارییەیل پەیوەندیدار دیرن لەبان پیشکەشکردنیان وەرانوەر پاداشتەیل دارایی و توانای گواستنەوە وەرەو شوینیگ ئارام.

لە وەرانوەر، ئیران خوەنین ئەرا پیشنیارەیل قەتەری کەێد ئەرا نزیکەوکردن دیدەیل وەرد واشنتن لەباوەت بەرنامە ئەتۆمییەگەی، وەلێ دەسکردن وە گفتوگۆەیل بەسێدەو وە جیوەجیکردن خوازینەیل کە لاوردن گەمارۆی ئەمریکی لەبان بەندەرەیل، و ئازادکردن سامانە بەسریاگەیلی، و لاوردن سزایەیل، و قەرەبووکردن ئەرا زیانەیل جەنگ لەخوەی گرێد، وەپەی ئەوەگ ئاژانس "ئەسۆشێتد پرێس" بڵاوی کرد.