شەفەق نيوز- خوەرھەڵات ناوڕاس  

تۆماس باراک باڵیۆز ئەمریکا لەلای تورکیا و کلکریای دۆناڵد ترەمپ ئەرا سوریا، ئمڕوو سێشەممە، دویای ئەو ئاگربەسیە کە وەگەرد ئیسرائیل ئەرای رەسین لە شوین جەنگ سوەیدا، بانگەواز ئەرا ئارامی کرد.

باراک لە لوبنانەو وت: سەرۆک ترەمپ بەرژەوەنی گەورەیگ دیرێد لە مسۆگەرکردن ئارامی هەرێمی، وەگورەی بڵاوکردن گۆڤار "نيوزويك" ئەمریکی.

گۆڤارەگە لە راپۆرتیگ وت: واشینتۆن رکدارە لەبان ئارامی لە سوریا کە کەفێدە چواڕییان جەنگەیل هیزەیل سەرەکی لە خوەرھەڵات ناوڕاس، ئیسرائیل و ئیران و تورکیا، و ئەگەر لە کۆنترۆڵ دەرچگ، هاتێ بوودە شوینیگ ئەرا جەنگ هەرێمی گەورەتر هاتێ ئەمریکایش بکیشێد.

قسەیل باڵیۆز رووشنایی خستنە بان پشتگیریکردن ئەمریکا ئەرا حکومەت گواستنەوەی سوریا وە سەرۆکایەتی ئەحمەد شەرع، و سوریا خوازێد دووارە بینای خوەی بکەێد و دووارە کۆنترۆڵ وڵاتەگە بکەێد لە گرووپە چەکدارەیل، و وسانن تونوتیژی تایفەیی و جەنگ داعش.

 "نيوزويك" وتیش: جەنگەیل دویایین و بڵاوبوین فراوان ئیسرائیل نشان دەن کە هیمان سیماگە تورتە.