ویستگەی پلاسەرڤیل لە ویلایەت کالیفۆرنیای ئەمریکا خشتەی ١٥ ناوچە و شار جەهانی بڵاو کرد کە بەرزترین پلی گەرمی لە جەهان توومارکردن لە ماوەی ٢٤ ساعەت گوزەشتە. لەو خشتە دەرکەفتیە کە ناوچەی “ئەحواز” لە ئیران بەرزترین پلەی گەرمی لە جەهان توومار کردیە کە ٥٠ پلەی سەدی بویە، ئیجا پلەی دویەم ناوچەی “ئەدرار” لە دەوڵەت جەزائیر وە ٤٩.٥ پلەی سیلیزی، و پلەی سێیەم  شار "ئەلسونەینە" لە عومان وە  49.3 پلەی سەدی، ئیجا ناوچەی "تیمیون" لە جەزائیر کفتە پلەی چوارەم وە 49.2 پلەی سەدی، هەرلیوا ناوچەی "عەین ساڵح" لە جەزائیر لە پلەی پەنجەم  وە 49.1 پلەی سەدی.

وەپەی خشتەگە، ناوچەی “سافی ئاباد دیزەفول” له ئیران لە پلەی شەشەم هات وە 48.8 پله ی سیلیزی، و ناوچەی “فڕۆکەخاەی ناودەوڵەتی بەسرە” له بەسرە کەفتە پلەی هەفتەم  وە 48.6 پلەی سیلیزی، ئیجا ناوچەی “عەبادان” لە ئیران پلەی هەشتەم وەدەس هاورد وە 48.6 پلەی سەدی، هەرلیوا شار “عمادیە” لە ئیران لە پلەی نوهەم تیەێد وە 48.4 پلەی سیلیزی، و ناوچەی “عمارە” لە پارێزگای میسان، عراق، کەفتە پلەی دەهەم  وە پلەی گەرمی 48 پلەی سیلیزی، ئیجا ناوچەی “بەسرە ئەلحوسێن” لە پارێزگای بەسرە لە عراق لە پلەی یازدەهەم، وە پلەی گەرمی 48 پلەی سەدی، ناوچەی “بسکرا” لە جەزائیر لە پلەی دوازدەهەم وە  ٤٨ پلەی سیلیزی، و ناوچەی “کەهنووج” لە ئيران هاته پلەی ١٣ وە ٤٧.٩ پلەی سیلیزی، لە دویای ئەویش پارێزگای “فهوود” لە عومان پلەی ١٤  وە ٤٧.٨ پلەی سەدی ، دویای ئەویش شار بەدرە لە ناوەڕاس عراق، وە پلەی گەرمای 47.7 پلەی سیلیزی.