شەفەق نیوز/ میدیایل خوەرئاوایی، ئمڕوو دووشەممە،  باس پیاویگ بڵاو کردن ئەرا کاترێلای تاوانەیل مەکسیکی کار کەێد، تەرمەیل نزیکەی ٦٥٠ قوربانی تاوانیە، ئەوەسا لە مانگ نیسان ئایندە مەرەقەز کریەێد، ک بۊە قسەوباس ناو مەکسیکیەیلە.    

وەگورەی میدیایلە، سانتیاگۆ میزا ئەو خاوەن کاروبار مەکسیکیە لە ساڵ ٢٠١٢ دەسگیر کریا، و فەرمان ١٠ ساڵ زیندانکردن لەبانی دەرچگ وە توومەت تاوان رێکخریای و بەشداریکردن لە رێکخستن تاوانکاری و وەخاکناین ژیروەژیری، ئەوەیش دۊای ئەوە ک وەزوان خوەی ئاشکرای کارەیلی لە مافیایل تاوانکاری و قاچاخ هووشبەری کرد.    

لەو کردەوەیل ئەو پیاوە ک لە چوارچیوەی تاوان ئەنجام داگە، کار لە تاویان ئەو تەرمەیلە کردگە لەناو مادەیگ تا ماوەی ٢٤ ساعەت، و ئیجا فڕەیان داگەسە ناو ئاوەڕوو.   

تاوانبارەگە وتیە ک زیاتر لە ٣٠٠ جار ئی ئەرکە جیوەجی کردگە، باوجی راپۆرتەیلە باس ٦٥٠ تەرم کەن وەیجۊرە وەپیان کردگە.   

ئەو تاوانبارە وە ئیرمای ژنی وتیە: ئی کارە لەوە خاسترە ک ئیوە لەوەرسگی بمرین.   

لە ساڵ ٢٠١١، قەورەیلیگ پەیا کریا، ک میزا ئەو تەرمەیلە لەناویان ناسە خاک ک نەتۊنستگە  بتاونێدەیان.