شەفەق نیوز/ کوڕیگ ناخاڵە خەڵک ناوچەی بادیرنۆ دوجنانۆ دەورگرد میلانۆی ئیتاڵیا، ئاشکرا کرد کە سیێان لە خیزانەگەی کوشتیە، وەگورەی خەوەر رووژنامەی Corriere della Sera.
رووژنامەگە وتیش: کوڕیگ لە تەمەن ١٧ ساڵان خەوەردار پولیس وە تاوانەگە کرد.
وتیش: شەو رویداوەگە خیزانەگە ئاهەنگ لەداڵگبوین باوگە کردیان، و کوڕەگە باوگ و داڵگ و برایگ تەمەن ١٢ ساڵان خوەی کوشت.
پولیس وتیش: هیمان هوکار کوشتنەگە نادیارە، لە وڵهابک هاوسایل وە خاسی باس خیزانەگە کردن.
سابرینا دیتارانتۆ خانمە بانگەشەکار گشتی ئەرا کاروبار مناڵەیل لە کۆنگرەیگ رووژنامەوانی وت: کوڕە ناخاڵەگە، نەتوەنست بویشێد ئەڕا ئی تاوانە کردگە، وتیش: زیان لە بیمارییگ داشتگە و تا چەن رووژیگ نائارام بویە.