شەفەق نیوز/ وینەیل مانگە دەسکردەیل کە وەلایەن کۆمپانیای ماکسار بڵاو کریا دویای رمیان بەشار ئەسەد وەدەس هیزەیل ئۆپۆزسیۆن لە سەرتای هەفتەی گوزەشتە، نشان دان کە رووسیا دیارە جەبەخانەی سەربازی لە سەربازگەیگ ئاسمانی لە سوریا گردەو کەێد.

ئەو وینەیلە کە دیارە دەبەنە جمعە گریانە، نشان دەن دوو فڕۆکەی ئەنتونوف ئيه.ئێن-124، یەکیگ گەورەترین فڕۆکەیل یار لە جەهان، رویەگەی وازە لە سەربازگەی ئاسمانی حمیمیم لە پارێزگای لازقیە.

ماکسار وت: ئەو دوو فڕۆکەی بار قورسە لە مارکەی ئیه. ئێن- 124 خانە ناو فڕۆکەخانەگە و رویەگەیان وازە ئەرا بارکردن.

 وتیش: لە شوینیگ نزیک، لەپسا کۆپتەر جەنگی كيه.ئيه-52 چەکیەێد، کە دیارە ئەرا بارکردن ئامادەی کەن، ز بەشەیلیگ لە یەکەی وەرگری ئاسمانی ئێس-400 هەمیش ئامادەی کریەێد ئەرا دەرچگن لەو شوینە.

کۆمپانیای ماکسار وتیش: سەربازگەی دەریاوانی ڕووسی لە تەرتووس، هیمان جویر خوەی مەنیە.

تەلەڤزیۆن چان ٤ بەریتانی بڵاو کرد کە کاروانیگ وە زیاتر لە ١٥٠ ماشین سەربازی رووسیا لەبان رییگ دیە جویلە کەێد، وتیش: سوپای رووسیا وە سیستەم نوویگ جویلە کەێد، لە سای رەسین ئەرا رێککەفتنیگ دیارە ری وە دەرچگن رووسیا لە سوریا دەێد.