شەفەق نیوز/ راپۆرتیگ وەلایەن چالاکوانەیل ماف مرۆڤ لە ئیران، رووشنایی خستە بان جیوەجیکردن و دەرکردن فەرمانەیل وەسێدارەدان لە ئیران، و باس توومارکردن ١٣٣ سزای وەسێدارەدان کرد، یەکیگیان وە ئاشکرایی جیوەجی کریا، وەگەرد دەرکردن ٢٤ فەرمان وەسێدارەدان ترەک، و دووپاتکردن لە ٧ وەسێدارەدان.
وەگورەی راپۆرتەگە، سەختیەیل رخداریگ لەڕوی رێزگردن لە ماف مرۆڤ لە ئیران هەس، کە مانگ ئابان لە رووژنامەی فارسی (ئۆکتۆبەر - نۆڤەمبەر)، سیمایگ لە نیگەرانی لە شکانن ماف مرۆڤ لە وڵاتەکە دروس کرد.
راپۆرتەگە دیاری کرد کە پێشێلکاریەیل جیوەجیکردن فەرمانەیل وەسێدارەدان وەبی دادکارییگ دادپەروەر گردەو، و کوشتن و بڕین وەرانوەر ئازادی قسەکردن، و دەسکیرکردن زوورکاری، و شکانن ماف هووکارەبوین، و خوەیکوشتن مناڵ و ناخاڵەیل، و تونوتیژی خیزانی و کۆمەڵایەتی وەبان ژنر وەگەرد شکانن ماف کراکارەیل و وەکارهاوردن زوور زیاییگ وەلایەن دەزگایل ئەمنی.
راپۆرتەگە دووپات لە گرنگی جیوەجیکردن ریکارەیل ناودەوڵەتی و ناوخوەیی زویوەزوی و کارا کرد ئەرا رەفتارکردن وەرد ئی پێشێلکاریەیلە و پشتگیریکردن قوربان، وتیش: کارەیل تونوتیژی سەربازی و دادوەری وەتایبەت وەبان ژنەیل و کەمینەیل، رخداری قویلیگ لەباوەت پابەندبوین ئیران وە بنەمایل ماف مرۆڤ ناودەوڵەتی دروس کردن.
راپۆرتەگە رووشنایی خستە بان چەن پرسیگ، جویر جیوەجیکردن سزای وەسێدارەدان لەبان جەمشید شارمهد، هاوڵاتی ئیرانی - ئەڵمانی وە توومەت "الإفساد في الأرض"، و دەرکردن فەرمان وەسێدارەدان لەبان میلاد ئارمون، و عەلی رزا کەفائی، و ئەمیر محمد خوش ئیقبالر و نوید نجاران، و حسێن نعمەتیر و عەلی رزا برمرز ورناک، کە شەش لە ناڕەزایەیل بوین، لەبان باوەتیگ دادکاری کریان کە وەپی ئویشن (مناڵەیل ئیکباتان).
هەمیش فەرمان وەسێدارەدان لەبان "محمد مەهدي س"، دەرچگ کە لە ناڕەزایەیل ٢٠٢٢ دەسگیر کریا، وە توومەت کوشتن ئەندامیگ لە پەسیح، و لەبان خانمیگ وەناو وەریشە مورادی وە توومەت لەشفرووشی.