شەفەق نیوز/ وڵاتەیەکگرتگەیل، ئمڕوو چوارشەممە، راگەیان باج لەبان هاوردەیل پۆڵا و ئەلمنیۆم دانا وە رێژەی  25% تا 50%، جیوەجیکردن بڕیارەگەی سەرۆک ئەمریکا دۆناڵد ترامپ لە رووژ جومعە ئاشکرابوی.

ترامپ لە بەیاننامەیگ لەی باوەتە وت: " ئێ زیایکردنە بەشدار بوود لە پاراستن پیشەسازیەل ئەمریکا لە پۆڵا و ئەلمنیۆم"، وتیش: " ئیمە پیشەسازی پۆڵا و ئەلمنیۆم لە گوزەشتە پتەوتر بینایکەیمن، ریگەش نیەدەیمن رکابەر نادادپەروەرانە ئابووری وڵاتمان تێکبەێد"

لە دەقەگە هاتیە "وەرد ئەوەگ ئەو باجەیلە تا ئیسە دانریانە پاڵپشتی بنەرەتی نرخ  لە بازاڕ ئەمریکا دابین کەێد بەڵام ریگە نەدانە ئێ پیشەسازیەیلە  ڕێژەی وەکارهاوردن توانای بەرهەمهێنان ئەوزەڵداین و بپارێزن کە بەس بوود ئەرا  بەردەوامییان، وە لەوەرچەوگردنی پێداویستییەیل بەرگری نیشتمانی".