شەفەق نیوز/ دادگایگ ئیرانی، ئمڕوو چوارشەممە، بڕیار وەسێدارەدان لەبان گورانیچڕیگ ناودیار ڕاپ دەرکرد، کە یە زیاتر لە ساڵ ونیمیگە زیندانی کریاس، لەبان پشتگیریکردن ناڕەزایەتیەیل ساڵ ٢٠٢٢، لە پشت کوشیان ژینا ئەمینی.
رووژنامەی رووژانەی "شرق" ئیرانی لە زوان ئەمیر رەئیسیان پارێزەر هونەرمەنەگە وت: دادگای شووڕش ئەسفەهان فەرمان وەسێدارەدان لەبان توماج ساڵحی وە توومەت
"الفساد في الأرض" دەرکرد، کە یەکیگ لە رخبەرترین توومەتەیلە لە ئیران.
ئەو راپەڕە کە ناوبانگی فراوانیگ لەناو ئیران دیرێد، وەگورانیەیلی لەبان سۆشیال میدیا پشتگیری لە ناڕەزایەتیەیل ساڵ ٢٠٢٢ کرد کە لە پشت مەهسا ئەمینی (ژینا) دەسوەپی کرد، دویای دەسگیرکردنی وەلایەن پولیس ئەخلاق لەبان پابەند نەوینی وە یاسایل پڕتاڵ لە کۆمار ئیسلامی.
ئەو راپەڕە کەفتە وەر شکەنجەی سەختیگ لە یەکەم رووژەیل دەسگیرکردنی، و چەو چەپی زەخمدار سەختیگ بوی، و قاپ راسییش شکانن، وەگورەی قسەی سەرچەوەیگ لە ناوەند ماف مرۆڤ لە ئیران ئەرا فرانس پرێس.