شەفەق نیوز ــ دیمەشق

وەزارەت ناوخوەی سوریا، ئمڕوو دووشەممە، دەسگیرکردن کەسەیلیگ راگەیان کە پەیوەنی وە سووپای پاسداران ئیران دیرێن، لە وەخت هەڵمەتیگ ئەمنی فراوان کە هێزە ئەمنیەیل ناوخوەی لە شار ئەلبوکەمال و دەوروگەرد خوەرهەڵات وڵاتەگە ئەنجامدریا.

فەرماندەی ئەمنی ناوخوەیی لە پارێزگای دیرەزوور وت، عەقی زرار شەملان لە بەیاننامەیگ رووژنامەوانی لە دویای  کۆتاییهاتن وە ئۆپراسیۆنەگە وت، "هێزیگ ئەمنی ناوخوەیی دویەشەو ئۆپراسیۆنیگ ئەمنی فراوانیگ ئەنجامدان لە شار ئەلبوکەمال و دەوروگەردی، لە ئەنجام زیاتر لە  پەنج داواکریاگ وە دۆسیەیل جیاواز دەسگیرکردن، لەوانە هەڵگردن و بازرگانیکردن وە چەک نایاسایی، بازرگانیکردن وە ماددە هووشبەرەیل و هەڕەشەکردن لە سەلامەتی و ئاسایش هاوڵاتیەیل، بیجگە لە دەستگیرکردن شمارەیگ کەس پەیوەنیدار وە سوپای پاسدارەیل ئیران.

 ئۆپەراسیۆنەگە چەن ساعەتیگ دویای ئەوەگ کە سوپای ئیسرائیل  ئمڕوو راگەیان  کە ئۆپەراسیۆنیگ  تایبەتیان  لە باشوور سوریا ئەنجامدایە و لە ئەنجام شانەیگ سەر وە سوپای قودس ئیران دەستگیرکریا، ئەرا دویەمجار لە ماوەی هەفتەیگ.