شەفەق نیوز/ وەزارەت دەیشت رووسیا، ئمڕوو یەکشەممە، راگەیان کە وەردەوامە لە پەیوەندیکردن وە گشت باڵە ئۆپۆزسیۆنەیل سوریا، دووپاتیش لە گرنگی رێزگردن لە نووڕین گشت نەتەوە و مەزهەبەیل ئەو وڵاتە کرد.

 لە بەیاننامەی وەزارەت دەیشت رووسیا پشتگیری خوەی لە تەقەلایل ئەرا دەسکردن وە پرۆسەیگ سیاسی گشتگیر لە بنەمای بڕیارنامەی 2254 دووپات کرد، کە وە بڕ دەنگ لەلایەن ئەنجومەن ئاسایش ناودەوڵەتی پەسەنکریا و وتیش؛ کە ئی بڕیارنامە چوارچیوەی سەرەکی ئەرا چارەسەرکردن گیچەڵ سوریا دروس کەێد.

 وەزارەتەگە وتیش: بنکە سەربازییەیل رووسیا لە سوریا هانە ئامادەباشی بەرزیگ، و ئیرنگە هویچ رخدارییگ لەبان بیوەییان نییە.

 وەزارەت دەیشت رووسیا ئاشکرا کرد کە بەشار ئەسەد سەرۆک کۆمار دویای دانوسەنین وەرد شمارەیگ لە بەشداربویەیل جەنگ چەکداری بڕیار واز لە پۆستەگەی بارێد ولە وڵات دەرچوود، و دووپات کرد کە ئی گامە لە چوارچیوەی ئەو ڕێکخستنەیل سیاسییە هات کە ئیسە گفتوگۆ لەباتی کریەێد.

 رووسیا دووپاتیش کرد کە وەردەوامە لە بانگەوازکردن ئەراکشت لایەنەیل سوریا کە دەسوبەرداری تونوتیژی بوون و پەنا وە چارەسەری سیاسی بوەن ئەرا چارەسەرکردن گشت کێشەیل حوکمڕانی، وەشیوەیگ کە بەشدار بوود لە ئارامی وڵات و گلەوخواردن ئاشتی ئەرای.