شەفەق نیوز- واشنتۆن

وەزیر وزەی ئەمریکی کریس رایت، رووژ یەکشەممە، وت کە زیاتر لە 9 ملیۆن بەرمیل نەفت رووژانە لەڕی گەروو هورمزەو رەد بوود، کە چۊ پیەڵیگ دەریایی سەرەکییە ئەرا بارکردن وزە لە جەهان.

رایت هەمیش ئەرا کەناڵ ABC وت کە هیز دەریایی ئەمریکی "وە شیوەی هونەرمەنیگ شارەزا لە جەنگەگە لە گەروو هورمز سەرکەفێد".

دوینێد کە ئیدارەی ترەمپ لە ژیر پەرچەم خوەی "شایەت" نەڕەسێدە رێککەفتنیگ ناوەکی ئەرا دووسایەتی وەگەرد رژیم ئیرانی، مەزەنە کرد کە رێککەفتن ناوەکی "هاتێ چەوەڕی ئیدارەی هاتگ بکەێد".

دیاری کرد: "شایەت هیچ رێککەفتنیگ ناوەکی نەوود، هاتێ کارەگە وە سادەیی ویرانکردن توانایەیل و ئامراز سەربازییان بوود ئەرا جیوەجیکردن ئەوە"، هەمیش هیزەیل ئەمریکی "توانای ئیران لەبان پەرەپیداین چەکەیل ناوەکی لاواز کەن".

ململانێ لە خوەرەڵات ناوڕاس چگە ناو مانگ هەفتەمی، بی هیچ نیشانەیگ ئەرغ رێککەفتنیگ لەناوەین ویلایەتە یەکگرتگەیل و ئیران ئەرا کووتاییهاوردن وە کارەیل دژمنایەتی سەربازی و رەسین وە وەیەکەوژیان و جڵەوکردن بەرنامەی ناوەکی ئیران.

ویلایەتە یەکگرتگەیل و ئیسرائیل لە کووتاییەیل شوبات/ فێبریوەری 2026 جەنگەگەیان دەس وەپی کردن، لە وەختیگ سەرۆک ترەمپ و وەرپرسەیل روشنهویری و سیاسی لە ئیدارەگەی لێدوان دان کە ئامانجەگە ویرانکردن توانایەیل ناوەکی ئیرانییە تا ئەو وڵاتە وە بی ئامراز و چەک بمینێد.