واڵاس، کە لە فەرماندەیی وڵامدان بەریتانیا لەبان داگیرکردن ئۆکرانیا وەلایەن رووسیا دەسمیەتی دا، لە مانگ گوزەشتە، باس ئارەزوو دەسکیشانی لەکار کرد، ئەوەیش دویای ٤ ساڵ لەی پۆستە.

چوینکە فرە وەرگری لە زیایکردن خەرج لەبان هیزەیل چەکدار بوی، واڵاس ئومید داشت بوودە هاوپشتەی یەنس ستولتنبیرگ ئەمیندار گشتی ناتۆ، وەلێ ئەرکەیل یەنس ئەرا ساڵیگ ترەک درویژەو کریا.

لە وتار دەسکیشانەوەی فەرمی، واڵاس ٥٣ ساڵە، دووار داوا لە حکومەت کرد پەنا وەهویچ کەمکردنیگ لە خەرج بودجەی وەرگیری نەوەێد.

لە پەیامەگەی نویسان؛ وەزارەت وەرگری ئەرا ریە راسەگە گلەو خوارد، تا گلەیگتر بکەفێدە ئاست جەهانی وەگەرد کەسەیلیگ لە ئاست جەهانی.

 لە قسەیلی ئەرا سۆناک وتیش؛ زانم کە تو هاوڕامێ لەوە کە بایەسە ئەرا ئەو رووژەیلە نەچیمنەو کە حکومەت جویر خەرجیگ مەزەنەیی نووڕیادە وەرگری.

لەلای خوەییش،سۆناک دەسخوەشی لەو ماوە کرد کە واڵاس لە خزمەت گشتی بویە، کە وت: خزمەت وڵاتمان لە ٣ پۆست گرنگ کردێ، کە وەزیر وەرگری، وەزیر ئاسایش، وەزیر ئیرلەندای باکوور بوی.

وتیش؛ خاس لە ئارەزوو وازهاوردند فامم دویای ٨ ساڵ لە ئەرکەیل وەزارەتی سەخت.

هەرلیوا، تووڕ سکای نیوز بەریتانی وت: ئەوەسا گرانت شاپس وەزیر وزەی بەریتانیا وە وەزیر نوو وەرگری دانریەێد.