وەگورەی ئاژانسەیل کەشناسی ئەو دوو وڵاتە، گەردەلویل پیپەرجۆی ک وە زوان بەنگالی بوودە "کارەسات"، لە دەریای عەرەبی درویژە دەێد، و مەزەنە کریەێد ئیوارەی پنجشەممە روی لە هشکایی بکەێد، چوینکە ئاڵشت بوود ئەرا زریانیگ فرە تون.

مەزەنە کریەێد وای قایمیگ ک رەسێدە ١٥٠ کیلۆمەتر لە ساعەتیگ و وەگەرد واران فرە رفتیگ ناوچەیەگ کەنار دەریا ک ٣٢٥ کیلۆمەتر درویژە و لەبان ویلایەت گوجارات هندستان و ناوچەی کەراچی پاکستان درویژەو بوود.

 دەسەڵاتدارەیل ویلایەت گوجارات رایاگەیانن، واران رفتیگ و وای قایمیگ وەگەرد نزیکبوین زریانەگە تا ئیسە  5 کەس کوشتیە،  دوو مناڵ هاناویان دیواریگ رمیاسە بانیان و ژنیگ دار کەفتیەسە بانی.

سی سی پاتەل، وەڕێوەبەر ئۆپەراسیۆنەیل فریاگوزاری لە ویلایەت گوجارات وت: "زیاتر لە 47 هەزار کەس لە کەناراوەیل و ناوچە نزمەیل چووڵ کردن وەرەو پەناگە، وتیش:  چووڵکردنیگار ئمڕوو ئەنجام دریەێد.

شێری رەحمان وەزیر وەرپرس ئاڵشتبوین کەشوهەوا راگەیان؛ لە پاکستان 62 هەزار کەس لە ناوچەی کەنارەیل باشوور خوەرھەڵات ئاوارەبوین و 75 سەنتەر پیشوازی واز کریانە ک فرەیان لە باڵەخانەیل مەکتەو و کولێژە.