شەفەق نیوز- واشنتۆن

وەرپرسیگ باڵا لە کۆشک چەرمگ، ئمڕوو شەممە، وت کە نەفت لەڕی گەروو هورمزەو رەد بوود وە ریژەیگ کە لە ناوەین 10 تا 11 مەلیۆن بەرمیل لە رووژیگ بوود، و دیاری کرد کە دەسەڵات ئیرانی لەبان رێڕەوە ئاوییەگە هەفتە وەدۊای هەفتە کەمەو بوود.

 وەرپرسەگە لە قسەیلیگ کە ئاژانس "فرانس پرێس" هاوردیەسەی، وتیش کە رێڕەوەیل جیگر کە هیزەیل دەریایی ئەمریکی دیاریی کەن ئەرا وەردەوامبۊن جۊلەی دەریاوانی "بەرهەم خوەی دەێد".

 دیاری کرد کە دراو ئیرانی داوەزێد ئەرا ئاستیگ پەیمانەیی، لە وەختیگ هەڵاوسان بەرزترین ئاستەیل میژوویی خوەی تومار کەێد، و چەوەڕی کرد کە رژیم ئیرانی "وە شیوەیگ یا شیوەیگ ترەک" دەس هەڵگرێد لە تەقەلای ئەرا وەدەسهاوردن چەک ناوەکی.

 لەباوەت شاند ئیرانی کە بەشدارە لە گردەوبوینەیل کۆمەڵەی گشتی نەتەوە یەکگرتگەیل، وەرپرسەگە وت کە واشنتۆن ڤیزەی چگنەناو داسە بڕیگ لە ئەندامەیلی، و دیاری کرد کە شاندەگە قەوارەی بۊچگتر بوود وە وەراورد وەرد ساڵ گوزەشتە.

 کووتایی هاورد وە ئەوە کە سەرۆک ئەمریکی دۆناڵد ترەمپ رێز لە هاوبەشەیل کەنداوی گرێد، و دیداریگ وەردیان کەێد ئەرا ژنەفتن رخەیلیان، و دووپات کرد لەبان گرنگی وەردەوامبۊن پەیوەندی دیپلۆماسی وەردیان چۊ گرووپیگ.