شەفەق نیوز - واشنتۆن

وەرپرسەیلیگ ئەمریکی ئاشکرای وەردەوامبۊن سوپای ئەمریکی کردن لە ئامادەکردن وژاردەیل سەربازی ئەرا دەسوەپیکردن جەنگ وەرد ئیران، هاوتەریب وەرد جۊلەیل مەیدانی کە کلکردن سێ کەشتی فڕۆکەهەڵگر  وەرەو ناوچەی خوەرهەڵات ناوەڕاس لە ماوەی نزیکیگ گردیەسە خوەی، وەپەی ئەوەگ رووژنامەی "نیۆیۆرک تایمز" خەوەر داگە.

 رووژنامەگە لە راپۆرتیگ دیاری کرد، کە وەزارەت وەرگری (پێنتاگۆن) پلانەیلیگ داناگە ئەرا دایین لە چەکخانەی فڕۆکە بیفڕۆکەوانەیل و مووشەکەیل ئیرانی وە فەرمان سەرۆک دۆناڵد ترەمپ، و 5 پلان ئەرا پرۆسەیل گەورای سەربازی پیشکەشی کردگە کە ئیران و حووسییەیل کەنە ئامانج.

 وتیش تیم ئاسایش نەتەوەیی ترەمپ، وە سەرکردایەتی جیگر سەرۆک جەی دی ڤانس، باس لە پلانەیلیگ ئەرا هەڵمەتیگ سەربازی کوڵ و پوخت کردنە.

 ئی وەرەونواچگنەیلە هاووەخت تیەێد وەرد لێدوانەیلیگ سەرۆک ترەمپ کە لەناوی دووپات بۊین "گفتوگۆیەیل وەبەرهەم" وەرد تاران کرد، وە دویرخستن هەر پەلاماریگ سەربازی وەرجە هەڵوژاردنەیل نووەوکردن نیمەیی ئەرا کۆنگرێس کە بڕیارە لە سێیەم نۆڤەمبەر/ تشرین دۊەم ئایندە وەڕیەو بچوود، و یەیش ئەو راپۆرتە وەرینەیلە رەت کەێدەو کە باس ئەگەر جۊلەیگ وەرجە ئی وەختە کەن.