شەفەق نیوز/ وەرپرسیگ ئیرانی، ئمڕوو یەکشەممە، دوویات کرد کە ژیان سەرۆک ئیبراهیم رەئیسی، و وەزیر دەیشت حسێن ئەمیر عەبولڵاهیان کەفتیەسە رخیگ کەفتیەسە مەترسی، و زانیاریەیل لە شوین کەفتن هیلیکۆپتەرەگەی جی نیگەرانی فرەیگە.
ئەو وەرپرس ئیرانیە ئەرا رۆیتەرز وت: هیمان ئومیدیگ دیریمن، وەلێ زانیاریەیل لە شوین رویداوەگە جی نیگەرانی فرەیگە.
ئمڕوو یەکشەممە، زانیاریەیل باس ئەوە کردن کە تیم مینەکردن و رزگارکردن توەنستنە شوین هیلیکۆپتەرەگەی ئیبراهیم رەئیسی سەرۆک ئیران دیاری بکەن.
سەرچەوەیلیگ راگەیانن وتن: هیلیکۆپتەرەگەی رەئیسس کەفتیەسە نزیک ئاوای ئوزی لە دارسانەیل ئەرسباران، لە کەرت ورزقان لە پارێزگای ئازەربایجان خوەرهەڵات لە ئیران.
ئاژانس "ئیرنا" ئاشکرا کرد کە تیمەیل مینەکردن و رزگارکردن وەرجە کەمیگ رەسیە شوین رویداوەگە.
میدیایل راگەیانن ئیران وتنیش؛ ئەو خەڵکە لە نزیک شوین رویداوەگە ئاگادار تیمەیل رزگارکردن کردنە کە دەنگ رممەی قایمیگ لە شوین نیشتنەوەی فڕۆکەی سەرۆک ژنەفتنە.