شەفەق نيوز - نەجەف 

سەید سەعید سەیدەین قونسوڵ ئیران لە نەجەف، ئمڕوو دووشەممە، دووپات کرد کە وڵاتەگەی بڕوا وە ئەمریکا و پەیمان ئەمریکیەیل نەیرێد، وتیش: تەهران نەوی کە خوەی دەسوە جەنگ وەرد ئیسرائیلەو کرد.

قونسوڵ ئیرانی لە قسەیلی ئەرا ئاژانس شەفەق نیوز وت: ئیران لە دانوسەنین ناڕاستەوخۆ بوی وەرد ئەمریکا، وەلێ ئەمریکا ئەوە شکان و دەسکردە خەڵەتانن.

 وتیش: واشینتۆن پەیماننامەی رێککەفتن ئەتۆمی شکان، ئەراوە ئیران بڕوا وە ئەمریکا نەیرێد، وتیش: ئیران نەوی کە دەسوە جەنگ وەرد ئیسرائیلەو کرد، و نەیش داوای ئاگربەسی کرد.

وەرژەیە، عەلی خامەنەئی ریبەر باڵای ئیران، وەڵام قسەیە دۆناڵد ترەمپ دادەو لەبان گورزەیل ئەمریکا وەبان دامەزراوەیل ئەتۆمی ئیران.

خامەنەئی لەبان ئێکس نویسان: ترەمپ فرە گەزاف دا لە قسەگەی ئەرا گوماکردن راسیەگە لە دەرئەنجام گورزەگە لەبان دامەزراوەیل ئەتۆمی ئیران.