شەفەق نيوز- تەهران 

محمد مەهدی شەهریاری ئەندام دەسەی ئاسایش نەتەوەیی و سیاسەت دەرەکی لە پەرلەمان ئیران، ئاشکرا کرد کە سەدان لە ئەندامەیل تیرۆری لەناویان ریخریاگ داعش هاتنەسە ناو خاک ئیران وە سنگ کووچبەری و پەنابەری تا زەرەد وە ئاسایش نەتەوەی وڵاتەگە بیەن.

شەهریاری لە قسەیلی ئەرا ئاژانس  "ئاوش"، دووپات لە گرنگی خەمسەردی نەکردن لە نواگیریکردن ئیجویر هەڕەشەیلیک، دووپات کرد کە شمارەی گەورەیگ لەو کەسەیلە هاوکاری لە کارەیل سیخوڕی یا خراوەکاری کردن، وتیش: هەرکەسیگ نیشتەجیی یاسایی نەیرێد بایەسە بچوودەڕیەو.

  باس دەرکردن ئەفغانیەیل کرد کە فرە لەو دەوڵەتەیلە کە مەردم وڵاتیگ ترەک بوونە جی وەکارهاوردن دەزگایەیل هەواڵگری بیگانە.

وتیش: ئیران بویە زەوی نەختیگ ئەرا ئی کارەیلە، وەتایبەت دویای هاتن شمارەیل گەورەیگ لە کووچبەرەیل وەبی ڕێکخستن یا چەودیاریکردن.

دیاری کرد کە مەردم بیکاتە لەناو ئیران رەسنە نزیکەی 10% لە دانیشتگەیل، و دەیان هەزار لە سەربازەیل وەرین لە رژیم ئەفغانی ئیرنگە هانە ئیران، بەشیگیان پلەی بەرز دیرن، هەڵبەت گشتیان وە نیاز بەدیگ نەهاتنە، وەلی بیگومان بەشیگیان هانە ناو سیخوڕی و خراوەکاری.

وتیش: شیوەی بارکردن بەشیگ لە ئەفغان زەرەد وە شیوەی خانەدانی میوانداری ئیرانی رەسان کە 45 ساڵ وەردەوام بوی، دیاری کرد کە کارەگە وەشیوەیگ ناڕێک هات و وەگەرد پەلامار ئیسرائیل وەبان ئیران بوی.

باس خیزانیگ کلک دویەتیگ بسیس ساڵان و بڕیگ مناڵ لەناویان بوی کە هیچیگ لەبان ئەفغانستان نیەزانن، لەبان ئەوەیش خریانە بان سنوورەگە بی میلکان و کەسوکاریگ، دووپات لە گرنگی وەڕیەوبردن پرس بارکردن وە شیوەیگ رەخنە نارێد.

دووپاتیش کرد کە زیاتر لە 95% لە مەردم ئەفغان لەناو ئیران مەردمیگ باشەرەفن، وەلێ بەشیگیان لەلایەن دەزگایەیل سیخوڕی وەکارهاوریان.

 وتیش: چەن رویداویگ دزیکردن و چەن تاوانیگ پارەکە وەدەس ئەفغانیەیل لەناو جادەی ئیرانی بەدناویان کرد، هەرچەن لەبان ئەوەیش فرەگەیان پابەندن و ڕێز لە یاسا گرن.