شەفەق نیوز/ وەزارەت وەرگری رووسیا راگەیان؛ ٣ فڕۆکەی بێفڕۆکەوان ئۆکراینی لە ئاسمان ناوچەی کالوگا خستیەسە خوارەو.
وەزارەت وەرگری رووسیا لە بەیاننامەیگ راگەیان: "نزیکەی ساعەت ٥:٠٠ (شەوەکی)، تەقەلای رژیم کیێڤ ئەرا دەسکردن وە پەلاماریگ تیرۆری وە سێ فڕۆکەی بێفڕۆکەوان لەبان ناوچەی کالوگا پویچەڵ کریا."
وتیش: سیستەم وەرگری ئاسمانی رووسیا لە مەوقەی خوەی گشت فڕۆکە بێفڕۆکەوانەیل شکانەو و لەناویان دا، وەبی ئەوەگ رویداوەگە زیان و زەخمداری لەلی بکەفێد.