شەفەق نیوز ـ ئەدیس ئەبابا

وەزیر فرۆکەوانی نێجیریا، فستوس کیامۆ، ئمڕوو دوشەممە، وەخوارکەفتن هێلیکۆپتەریگ سەربازی راگەیان کە 25 سەرنشین و هەفت کەس لە ستافەگەی هەڵگردبوی لە باشوور خوەرئاوا وڵاتەگە.

کیامۆ لە لێدوانیگ کە ئاژانس "رۆیترز" بڵاویکرد  وت:  فڕۆکەگە لە نزیک بنکەی دەریایی لە ناوچەی ئیجبۆکۆ لە ولايەت ئۆندۆ وەخوارکەفتیە، و  لە وەختیگ کارەیل مینەکردن و فریاگوزاری وەردەوامن.

تا ئیرنگە دووپات نەکریاس کوشیاگ یا زەخمداری لە رویداوەگە هەس یا نە.

فڕۆکە سەربازیەگە شمارەی توومارکردن NGR 931 هەڵگردبوی، و لە گەشتیگ بوی لە بەنین ئەرا لاگۆس وەختیگ پەیوەنی وەگەرد ڕادار لەدەس داد لە شەوەکی ئمڕوو.

ڤیدیۆیگ بڵاوکریاگە پرۆسەی مینەکردن وەردەوام لە یەکێ لە زۆنگاوەیل نیشان دەێد، لە وەختیگ تا ئیسە هویردەکاری و مدوو رویداوەگە نەناسریاگە.