شەفەق نیوز/ ئمڕوو دووشەمە، 9 کەس گیان لەدەسدا و 70 کەسیش زەخمداربوی لە ئەنجام ژیرئاوکەفتن دوو بەلەم کە گەشتیار هەڵگردبوین لەناو چەمیگ لە باشوور خوەرئاوای چین، وەپای  ئاژانس "شینخوا"ی فەرمی.

َ"شینخوا" وە پشت بەسان  سەرچەوەیل ناوخوەیی راگەیان، نزیکەی 84 کەس وەناو ئاو کەفتن لەدویای پلیان دوو بەلەم وەناو چەم لەشار  تشينشی لە ناوچەی  قويتشو.

دەزگا راگەیانن فەرمیەیل  ئاشکرایکردن، ئامارەگە تا ئمڕوو شەوەکی رەسیەس ئەرا 9 کوشیاگ و 70 کەسیش ئەرا خەستەخانە کلکریانە، و 4 کەسیش بیوەێ دەرچگنە، کەسیگیش بی سەروشوینە.

سەرۆک چین شی جین بینغ داواکەێد گشت تەقەلایگ بدرێد  ئەرا پەیاکردن بیسەروشوینەیل و چارەسەرکردن زەخمدارەیل، دووپاتکرد لەبان " گرنگی ئەوزەڵداین وە رێوشوینەیل ئەمینی کرد لە شوینەیل گەشتیاری" و "شوینەیل گشتی فراوانەیل" وەپای "شینخوا".