شەفەق نیوز/ وڵات چین، ئمڕوو شەممە،  راگەیان ک خوەی هۊچ لایەنیگ لە جەنگ ئۆکرانیا نییە، و دووپات کرد ک پەیوەندی بازرگانیی وەگەرد گشت دەوڵەتەیل و رووسیایش وەگەردیان بایەتە کاریگەر نەوود. 

وانگ لۆتونگ وەڕیەوبەر بەش ئەوروپا لە وەزارەت دەرەوەی چین، لە وتاریگ رووژنامەوانی وت: پەکین پشتگیری دانوسەنەیل ناوبەین ئۆکرانیا و رووسیا کەێد، و داوا کرد باسیگ لە ئاست خوەی زیاتر نەکرێەد لەو دەورە ک وڵات چین  لەی جەنگە دیرێد.  

و دووپات کرد ک ئی جەنگە وە تەنیا داواکردن چین تەواو نیەوود، و دیاری کرد ک ئەو کارەیل سەربازیە دەوڵەتیگ خاوەن سەروەری بردیەسەی، و بڕیار خود رووسیا بۊە، و بیخودە ک وە  رووسیا بۊشیمن ئی جەنگە بووسن تا ئەویش بووسنێدەی.    

وانگ لۆتونگ جەخت کرد ک کلیل ئی باوەتە وەدەس چین نییە، باوجی هادەس واشینتۆن و برۆکسل و مۆسکۆ،  وتیش: ئی باوەتە پەیوەندی وە ئاسایش ئەوروپا دیرێد، ئەراوە بایەتە ئەوروپایلە بڕیاری بیەن.  

وتیش: چەنای چەنیگ ئەمریکیەیلە وتن هانە گەرد ئەوروپا لە ئاسیشیان، ئەراوە شایەت چشتیگ بتۊەنن بکەن، ئەرا نموونە، ئەگەر سەرۆک ئەمریکا پەیوەندی وەگەرد سەرۆک رووسیا کرد، و وت: ناتۆ فراوانەو نیەوود، و هۊچ بڵاوکردن چەک ستڕاتیژی نیەوود، و ئۆکرانیا ئەوەسا بوودە دەوڵەتیگ بیلایەن، شایەت ئەوە چارەسەر گیچەڵەگە بکەێد.  

وڵات چین دووپاتیش کرد ک هۊچ داوایگ لە کیێڤ ئەرای نەهاتیە لەباوەت مسۆگەرکردن ئاسایش ئۆکرانیا،  وتیش: پەیوەندیەیل بازرگانی ناوبەین چین و ئەو دەوڵەتەیل وەردەوامە،  و رووسیایش وەگەردیان، و نەبایەت کاریگەری وەی جەنگە بیاشتوود.