شەفەق نیوز/ نویسنگەی سەرەکی توێژینەوەیل دادوەری لە وڵات مەغریب، ئمڕوو یەکشەممە، پویچەڵکردن پلانیگ تیرۆری نزیکیگ راگەیان، لە مەوقەی ئامادەکردن ئەرا جیوەجیکردن تەقینەوە.

نویسنگەگە وت: ریکارەیل دەسوەردان و ناخڵەدان وەلایەن هیزە تایبەت سەروە وەڕیەوبەرایەتی گشتی چەودیاریکردن خاک نیشتمانی، رەسیە دەسگیرکردن 4 ئەندام تونەڕەوی، 3 برا هاناویان، پەیوەندی وە ریخریاگ داعش تیرۆرست دیرن، لە تەمەن 26 و29 و31 و35 ساڵان، و لە ناوچەی حەد سوالم لە هەرێم رەشید گورج بوینە.

دیاری کرد کە ریکارەیل وەشکین لە شوینەیل دەسوەردان، هەمیش رەسیە کەشناسی وەبان بڕیگ چەک چەرمگ،  و بڕ گەورەیگ لە بوتڵ کە مادەی کیمیایی لەناویان بویە، و کیسەیلیگ لە پەیین کیمیایی، و کبریت و تووز زوخاڵ، و چشتەیلیگ گومانی، وەگەرد تەڵ کارەبا و ئامرازەیلیگ ترەک، کە گومان هەس ئامادەیان ئەرا دروسکردن تەقەمەنی کریەێد، و خریانە وەردەس پسپۆڕەیل پولیس و تەکنیک.

 ریکارەیل مینەکردن و وەشکین دیاری کردن کە توومەتبارەیل وەیەک رووژ سەردان 4 دوکان دەرمان لە ناوچەی حەد سوالم کردنە، و چشتەیل کیمیایی لەلایان سەننە کە چنە ناو دروسکردن تەقەمەنی، ئیجا خستمەی ناو ماڵ یەکیگیان، و ئامادەیی ئەرا تاقیکردن لە دروسکردن تەنەیل تەقەمەنی کردنە.

هەمیش ئاشکرا کرد کە دووان لەو برایلە، سەردان شوینەیلیگ جیاجیا کردنە، و وینە و ڤیدۆ ئەرا ئامانجەیل پلان تیرۆرییان گردنە.