شەفەق نیوز/ دەسڵاتدارەیل ئیران، ئمڕوو چوارشەممە، جیوەجیکردن سزای لە سێدارەداین سێ کەس  راگەیانن، وتن توومەتبارن وە سیخوڕیکردن  لە بەرژەوەنی دەزگای موساد ئیسرائیلی، پلاندان ئەرا تیرۆرکردن کەسایەتی دیارەیل ناو وڵاتەگە، ئاشکرایکد لەماوەی چەن رووژ وەرین زیاتر لە 700 کەس مەسگیرکریانە لە چوارچمگ هەڵمەتەیل دژ وە تووڕەیل سیخوڕی.

دەزگای راگەیانن ئیران لە راپۆرتیگ ئاژانس شەفەق نیوز دیەسێ راگەیان، سزای لە سێدارەداین لە شار ئورومیە لە پارێزگای ئازەربایجان خوەرئاوا جیوەجیکریاس.

وەپای هەمان سەرچەوە، سێ سزادریاگە، ئیدریس عالی، و ئازاد شوجاعی، و رەسول ئەحمەدە، دەسگیرکریان وە توومەت قاچاخکردن کەرەستەیلیگ کە ئەرا مەبەست تەقینەوە وەکارتێد وە ئامانج جیوەجیکردن ئۆپراسیۆن تیرۆرکردن لەناو ئیران، کە یەیش لەژیر پەردەی باریگ نووشەمەنی کحولیەیل بویە.

راپۆرتەگە دیاریکرد دادگای ئیران  تۆمەت "دوژمنایەتی دژ خودا"، "بڵاوکردن گەندەڵی لەبان زەوی" و "هاوکاری وەرد قەوارە بیانییە دوژمنکارەیل"ی تۆمەتباریان کردیە.

 لەهەمان وەخت دەزگای راگایانن یران خەوەردا دەزگایەیل ئەمنی و هەواڵگێری وڵاتەگە زیاتر لە 700 کەس دەسگیرکردنە لەماوەی 12 رووژ وەرین وە توومەت سیخوڕی و کارکردن لە بەرژەوەنی ئیسرائیل، دیاریکرد فرەیگ لە دەسگیرکریاگەل لە پارێزگایل کرمانشان و ئسفەهان و خوزستان و فارس و لورستان بوینە.