شه‌فه‌ق نيوز/ رووژنامه‌ى مه‌عاريف وت: ئسرائيل وه‌ هيزيگ ناوده‌وڵه‌تى به‌شدارى ده‌وڵه‌ته‌يليگ عه‌ره‌بى ئه‌كا ئه‌را روێ وه‌ڕوێ بوينه‌وه‌ى ريكخرياگ تيرۆريستى داعش ك باره‌گا ديرێد له‌ ئوردن.

يوسى ميلمان ته‌عليقده‌ر كاروبار هه‌واڵگرى له‌ رووژنامه‌گه‌ له‌ راپۆرتيگ له‌ زووان " ئه‌نتليجنس ئۆن لاين" فره‌نسى ك گرنگى ئه‌ياده‌ كاروبار هه‌واڵگرى وت: هيزيگ له‌ يه‌كه‌يل تايبه‌ت و پياوه‌يل هه‌واڵگرى به‌شدارى ئه‌كه‌ن له‌و ئه‌ركه‌و باس له‌وه‌يش كرد ك ده‌وڵه‌ته‌يل به‌شدار زانياريه‌يل به‌شه‌و ئه‌كه‌ن له‌باره‌ى وجوود داعش.

جى باسه‌ وه‌گووره‌ى ماڵپه‌ڕه‌گه‌ ئه‌وه‌يش ده‌ركه‌فت ك ئه‌و هيز ناوده‌وڵه‌تيه‌ شماره‌يگ ئه‌فسه‌ر له‌ 21 ده‌وڵه‌ت ئه‌گرێده‌ خوه‌ى و له‌تيشى ئسرائيل وه‌ل هه‌ر يه‌ك له‌ سعوديه‌و ئوردن و ئيمارات و وڵاته‌يل يكگرتگ و ئه‌ڵمانياو بريتانياو فره‌نسا و ئيتاڵيا به‌شدارى ئه‌كا.