شه‌فه‌ق نيوز/ سه‌رچه‌وه‌يل سورى، ئاشكراى ئه‌وه‌ كردن ك هيزه‌يليگ سه‌ر وه‌ حكومه‌ت چينه‌سه‌ ناو شار عه‌فرين له‌ باكوور وڵاته‌گه‌.

ئه‌و سه‌چه‌وه‌يله‌ ئه‌وه‌ ده‌رخستن ك هيزه‌يل مه‌ردمى سه‌ر وه‌ سوپاى سورى، تويه‌نستنه‌ بچنه‌ ناو شار عه‌فرين له‌ باكوور سورياو له‌ خه‌ت جياكه‌ر "ئه‌لزياره"‌يش گوزه‌ر كردنه‌.

جى باسه‌، ئاماژه‌ وه‌يه‌يش ئه‌كريه‌ێد ك سه‌رچه‌وه‌يليگيش باس له‌وه‌ كردنه‌ ك وه‌رجه‌ رووژه‌يليگ جه‌نگاوه‌ره‌يل كورد له‌ عه‌فرين ره‌سينه‌سه‌ ريككه‌فتنيگ وه‌ل حكومه‌ت سورى ئه‌را ئه‌وه‌گ هيزه‌يل مه‌ردمى سه‌ر وه‌ حكومه‌ت بتويه‌نن بچنه‌ ناو شار عه‌فرين له‌وه‌ر جواودانه‌وه‌ى په‌لاماره‌يل توركى ئه‌را بان شاره‌گه‌.