شه‌فه‌ق نيوز/ قسه‌كه‌ر فه‌رمى وه‌ناو هيزه‌يل ده‌رياوانى ليبى له ترابلس پايته‌خت ئاشكراى ئه‌وه كرد ك 335 كووچكه‌ر ناياسايى له ئاوه‌يل ليبى قورتار كريانه.
له‌ى باوه‌ته‌و، عه‌ميد ئه‌يوب قاسم له لێدوانيگ وت: خه‌فه‌ر ئاوه‌يل چه‌ن كرده‌وه‌يگ قورتاركردن ئه‌نجام دانه‌و له جه‌م ئه‌و كرده‌وه‌يله 335 كووچكه‌ر قورتار كردنه‌و له‌ناونيان 98 كووچكه‌ر ناياسايى ك 8 له‌ليان ئافره‌ت بوينه.
جى باسه، ناوبرياێ هه‌ميش وت: ئه‌و كووچكه‌ره‌يله له ره‌گه‌زه‌يل ئه‌فريقى و عه‌ره‌بى بوينه‌و له‌وانه‌يش مسرى و مه‌غربى و جه‌زايرى ك وه دويرى 14 ميل له باكوور ئه‌بو كه‌ماشه‌و ئه‌و كرده‌وه‌ى قورتاركردنه ئه‌نجام گرتگه‌و گشت كووچكه‌ره‌يليش جيواز كريانه ئه‌را بنگه‌ى ده‌رياوانى ترابلس.