شه‌فه‌ق نيوز/ وه‌رپرسيگ له‌ ماڵ چه‌رمگ وت: دياريكردن سه‌نگافوره‌ ئه‌را ديدار ناونى دۆناڵد ترامپ سه‌رۆك ئه‌مريكى و كيم جۆنگ ئون سه‌رۆك كۆرياى باكوور له‌وه‌ر ئه‌وه‌سه‌ ك شوونيگه‌ ئه‌مان و بيلايه‌ن.

ئه‌و وه‌رپرسه‌ ئاشكراى ئه‌وه‌ كرد ك سه‌نگافوره‌ شوونيگه‌ ئه‌مان و بيلايه‌ن و ئاماژه‌ وه‌يه‌يش كرد ك شايه‌ت ئه‌و دانيشتنه‌ رووژيگ بكيشێد و ئه‌گه‌ر ئه‌وه‌يش هه‌س دريژه‌و بكريه‌ێد.

جى باسه‌، يه‌يش له‌وه‌ختيگه‌ ك دويه‌كه‌ تره‌مپ له‌ ماڵپه‌ڕ تويته‌ر وت: ديدار چه‌وه‌ريكرياێ وه‌ل كيم جۆنگ ئون له‌ ئه‌نگافوره‌ ساز ئه‌كريه‌ێد و هه‌وڵ ئه‌يه‌يم بكه‌يمنه‌ى له‌حزه‌يگ فريه‌ تايبه‌ت ئه‌را ئاشتى جه‌هانى.