شەفەق نیوز/ ماڵ چەرمگ راگەیان دەرکردن پەنج فەرمانبەر لەوەر وەکارهاوردن مادەی هووشبەر (ماریجوانا) لە وەختیگ گوزەیشتە.
جین بیساکی قسەکەر وەناو ماڵ چەرمگ وت: هەرچەن سیاسەتیگ ئاسانتر لەباوەت ماریجوانا لە سەردەم جۆ بایدن هەس، وەلی پەنج لە فەرمانەبەرەیل ماڵ چەرمگ لەوەر وەکارهاوردن هووشبەرەکان لەوەختیگ وەرین دەرکریان.
بیساکی ئاماژە کرد ک وەرجە چەن هەفتەیگ ماڵ چەرمگ راگەیان ک خوەی وەگەرد دەزگای ئاسایش کار ئەرا نووەوکردن سیاسەتەیل مسۆگەرکردن ئەوە کرد ک وەکارهاوردن ماریجوانا لە گوزەیشتە نێەوودە هووکار دویرەوخستن فەرمانبەرەیل لە ماڵ چەرمگ.
قسەکەرەگە دیاری کرد ک لە ئەنجام ئەوە، فرە کەس توێنن لە ئیدارەی ئەمریکی کار بکەن ک وەرجەیە وەی ئاست وەکارهاوردنە توانای کارکردن نەیاشتن، وتیش: لەناو سەدان کەس ک خریانە کار، تەنیا پەنج کەس لەوانەگ لەماڵ چەرمگ کار کەن لەوەر ئی سیاسەتە دەرکریان.