شه‌فه‌ق نيوز/ راپۆرته‌يل عه‌ره‌بى باس له‌وه كردن هه‌ڵمه‌ته‌يل ده‌سگيركردن ميره‌يل و پياوه‌يل كار له سعوديه ئافره‌ته‌يليش گرته‌سه‌و.
له‌ى باوه‌ته‌و، عه‌ره‌بى21 له زووان سه‌رچه‌وه‌يل تايبه‌ت وت: ده‌زگايه‌يل ئاسايش سعودى وه فه‌رمان راسه‌وخۆ له محه‌مه‌د بن سه‌لمان وه‌ليعه‌هد ده‌سكردنه‌سه هه‌ڵمه‌ت گرتن ئافره‌ته‌يليش له بنه‌ماڵه‌ى فه‌رمانڕه‌وايه‌يل ئه‌و وڵاته‌و ئوتێل تازه‌يگيش به‌تاڵ كرياگه ئه‌را زيندانيكردن خانمه ميره‌يل ده‌سگيركرياێ.
ئه‌و سه‌رچه‌وه‌يله باس له‌وه‌يش كردنه ك ئافره‌ته‌يليشه ك ده‌سگير كريانه پيكهاتنه له دويه‌ته‌يل پاشاى كوچكردگ عه‌بدوڵڵا بن عه‌بدولعه‌زيز ئال سعود ك زويتر كوڕه‌يليشى ده‌سگير كريان حاڵ حازر هانه ناو ئوتێل ئه‌لريتز و دويه‌ته‌يل مير كوچكردگ سوڵتان بن عه‌بدولعه‌زيز.
جى باسه، روڵه‌يل هه‌ر يه‌ك له عه‌بدوڵڵا و سوڵتان، له ئاموزايه‌يل مير محه‌مه‌د بن سه‌لمانن و ئه‌وانه فيشتر له كه‌سه‌يل تر ناڕازى بوينه له‌بان داين حوكم وه بن سه‌لمان و هه‌ر وه‌و خاتريشه كوڕه‌يل و دويه‌ته‌يليان ده‌سگير كريانه.