شه‌فه‌ق نيوز/ جه‌نراڵيگ بريتانى ئه‌وه ده‌رخست ك ده‌سڵاته‌يل ئه‌و وڵاته بڕێگ زانيارى هه‌واڵگرى ده‌سيان كه‌فتگه له داعش له سورياو ئه‌وه ده‌رخه‌ن ك ئه‌و ريكخرياگ تونڕه‌وه پڵانه‌يليگ ديرێد ئه‌را په‌لامارداين شماره‌يگ له ده‌وڵه‌ته‌يل ئۆرپا.
رووژنامه‌ى "زى تايمز" بريتانى باس له‌وه كرد ك دويا زانياريه‌يليگ تائيسه ئه‌وه‌سه ك پلانه‌يل داعش ئه‌را گرتنه‌ئامانج شماره‌يگ له ده‌وڵه‌ته‌يل ئۆرپى ئاشكرا بويه‌و له‌وانه‌يش فره‌نسا، يه‌يش له‌وه‌ختيگ ك ده‌سنيشان به‌يانه‌يل شماره‌يى نه‌كرد له‌باره‌ى ئه‌وه‌گ ك ئه‌گه‌ر پيلانيگ دژ بريتانيا له وجوود بوود يا نه‌ود.
جه‌نراڵ رۆبه‌رت جونز جيگر سه‌ركرده‌ى فه‌رمانده‌يى هيزه‌يل هاوپه‌يمان وه سه‌رۆكايه‌تى وڵاته‌يل يه‌كگرتگ دژ داعش، وت: ئه‌و زانياريه‌يل هه‌واڵگريه وه‌پى ره‌سيمنه ئاڵشت وئوڵشت ئه‌كريه‌ێد وه‌ل باقى زانياريه‌يل تر ئه‌را زه‌مانه‌ت و وشدارى له گشت كرده‌وه‌يگ وه‌تايبه‌ت له ماوه‌ى ئه‌نجامداين جه‌شنه‌يل سه‌رساڵ "كريسماس".