شه‌فه‌ق نيوز/ زانايه‌يليگ له كۆليژ پزيشكى له زانكۆى بيتسبرگ له ولايه‌ت بنسلفانياى ئه‌مريكى، باوه‌ڕيان ئه‌وه‌سه ده‌رمانيگ دژ ڤايرۆس كۆرۆناى تازه دينه‌سه‌و.
ئه‌و زانايه‌يله وتن: تواناى ئه‌وه هه‌س ئه‌و ده‌رمانه وه زويترين وه‌خت بخريه‌ێده روێ و ئه‌و ڤايرۆسه وه‌پى بنبڕ بكريه‌ێد ك له‌گشت جهان بڵاوه‌و بويه‌و نزيكه‌ى 52 هه‌زار كه‌س وه‌پى له 188 وڵات و ناوچه گيان له‌ده‌سدانه.
له راپۆرتيگ ك تيميگ توێژينه‌وه له‌بان ماڵپه‌ڕ"EBioMedicine"،بڵاويه‌و كردنه، باس له‌وه كرياگه ك تاقيكارى له‌بان بڕيگ مويش كرياگه‌و تواناى به‌رهه‌مهاوردن ده‌رمانيگ دژه ڤايرۆس كرياگه له‌تى ئه‌را نه‌هيشتن ڤايرۆس كۆرۆنا. ك زانايه‌يل له ئه‌نجام ئه‌و تاقيكارييه وتنه وه ته‌واوى ره‌سيمنه‌سه‌و له‌وه‌گ چوين ئى ڤايرۆس تازه له‌ناو بووه‌يم.