شه‌فه‌ق نيوز/ وه‌زاره‌ت وه‌رگرى ئه‌مريكى(پنتاگۆن)، په‌نج هه‌زار سه‌رباز له‌بان مه‌رزه‌يلێ وه‌ل مه‌كسيك بڵاوه وه‌پى كردگه له هه‌وڵيگ ئه‌را نواگيرتن له قافڵه‌ى كووچكه‌ره‌يل له ئه‌مريكاى ناوه‌ڕاسه‌و ك ئه‌خوازن وه‌ناياسايى بپه‌ڕنه‌و ئه‌را ناو خاكه‌يل وڵاته‌يل يه‌كگرتگ.
جه‌نراڵ تيرانس ئوشوغنيسى سه‌رۆك سه‌ركرايه‌تى باكوور له سوپاى ئه‌مريكى ئه‌را رووژنامه‌نويسه‌يل وت: وه‌ل كووتايى ئى هه‌فته زياتر له 5200 سه‌ربازى له‌بان مه‌رزه‌يل باشوور خوه‌رئاوا بڵاوه وه‌پى ئه‌كه‌يم.
جى باسه، فرانس پرێس له زووان ئوشوغنيسى وت: ىى هيزه دقه‌ت له‌بان تونكردنه‌وه‌ى مقه‌يه‌تيكردن ئه‌كا له ده‌روازه‌يل مه‌رزێ و ناوچه‌يل ده‌ورگردى، بيجگه كاره‌يليگ ك له‌لايه‌ن يه‌كه‌يل ئه‌ندازياريه‌و ئه‌نجام ئه‌دريه‌ێد له دروسكردن ديواره‌يل ته‌لين وه‌ختى. يه‌يش له‌وه‌ختيگ نه‌ته‌وه‌يل يه‌كگرتگ ئاماژه وه ئه‌وه كرد نزيكه‌ى 7000 كه‌س په‌يوه‌ندى وه‌و قافڵه‌ى كووچكه‌ره‌يله‌و كردنه دوياى ئه‌وه‌گ له سان بيدرۆ له هندوراس ده‌رچيه له 13 ئوكتۆبه‌ر.